的起心肝，由今日開始寫扑。
之前o既事，過去o左就過去o左...無恨、亦無悔。唯一可惜o既，係從來無將佢用文字記錄落o黎，等老o左之後拎返出o黎細味、回憶。
仲有唔夠一個星期就生日。就由今日開始，我要準備好自己迎接26歲。
尋晚訓得唔好...絕對係個更o既問題：明明話過唔會通(宵)-休(假)-(返)早，卒之又係編成咁...不過可能因為眼訓，所以反而好專心，好快清晒o的o野。一陣一定要準時走，然後拎部碌卜去整...
係，我部碌卜壞o左個芒。其實又唔壞得晒，我懷疑係o的電線接觸不良，搞到個芒o既backlight時著時唔著。希望趁佢未壞得晒拎去整，病向淺中醫，會冇咁貴啦...17寸芒，如果要成隻換，一定好乸利。而家冇o左條大水喉射住，真係要慳得一蚊得一蚊。
(後記：去到HP維修部，等o左9個字先到我。我預o左要俾檢查費，只係估唔到要$700！！真係未見官先打700大板...更過份o既係，由擺低到報價要3-5個工作天；而由報價到維修完畢又要再等3-5個工作天...大家買碌卜之前真係要考慮o下保養o既問題)
下回預告：死因研訊
1 comment:
我拎部 MacBook Pro 去整。檢查費要 HK$600，檢查又係大概３日。Confirm 整就要等多大概三個星期 for 買料＆整... 個 Mon 買左 HK$5,500.... 好彩有買保險佢又受保咋... （檢查費都可以 claim 埋）
Post a Comment